O Concello de Xove e o Colectivo de Fotógrafos de Xove inaugurarán o sábado 11 de agosto, no centro cívico, unha nova edición -a décimo primeira- de Xove 360º. A exposición vai estar aberta ata o vindeiro 2 de setembro en horario de 18.00 a 22.00 horas.
A mostra deste 2018, titulada ‘Fervenzas‘, consta de 13 fotografías. Cada ano, elíxese un tema específico e cada un dos participantes presenta unha ou dúas instantáneas. O resto da exposición, con outras 34 imaxes, é de temática libre, de aí a variedade existente nas obras presentadas: hai paisaxes, retratos, flora ou composicións.
a exposición lucirá 47 instantáneas de doce participantes
AUTORES
Alberto Rapa, Andrés García, Diego Fanego, Javier Sánchez, Javier Villares, José Emilio Gómez, José Manuel Blanco, Mateo Guerreiro, Pedro Antonio Vecente, Rubén Pico, Santos Cordovilla e Carolina Moreira son os participantes deste ano.
