InicioCulturaXurxo Souto compilará retrouxos e melodías das mulleres do mar da Mariña

Xurxo Souto compilará retrouxos e melodías das mulleres do mar da Mariña

A vicepresidencia da Deputación impulsa un proxecto que pretende visibilizar o patrimonio inmaterial que gardan redeiras, percebeiras e outras traballadoras do sector

Publicada o

- Advertisement -

A Vicepresidencia da Deputación de Lugo e a Rede Museística amplían a programación impulsada polo cincuenta aniversario do Museo do Mar de San Cibrao co proxecto ‘Amar a mar: mariñas, marosas e maruxainas‘ que pretende visibilizar a memoria e a cultura mariñeira nas comarcas do interior, coa presenza o escritor e músico Xurxo Souto como compilador dese patrimonio inmaterial.

Trátase dun proxecto colaborativo que toma o mar como referencia xeográfica e vivencial e no que participan o músico e escritor coruñés e o fotógrafo Ignacio Castro “Nachok”. Involucra tamén o tecido asociativo e a comunidade educativa da Mariña Lucense.

Souto percorrerá os concellos costeiros da comarca para pescudar na súa identidade a través das voces das mulleres que traballan ou traballaron no mar. Nos encontros con estes colectivos apelarase á memoria para recoller retrouxos e melodías que forman parte do acervo cultural da Mariña.

“Podémonos achegar á Mariña de moitas formas. Nos escollemos este camiño da visión das mulleres e do poder evocador da música. Iremos pola Mariña adiante descubrindo e aprendendo dos oficios das mulleres. Das redeiras, das percebeiras, das que ían á olga, e tamén das patroas”, relatou o músico e escritor, que desenvolveu diferentes proxectos sobre o universo sonoro das mulleres do mar.

OBRADOIROS FOTOGRÁFICOS

Baixo o epígrafe ‘Derivas‘, Castro, recoñecido polos seus traballos no ámbito da fotografía artística, especialmente en proxectos editoriais, realizará obradoiros fotográficos co mar e as persoas que viven del no foco.

EXPOSICIÓN EN LUGO

O traballo desenvolvido polos dous artistas formarán parte dunha exposición que incluirá pezas, documentos e materiais das coleccións do Museo do Mar de San Cibrao e que inaugurará o 8 de maio no Museo Provincial de Lugo.

“Chegados os cincuenta anos de historia propoñemos reversionar o Museo do Mar no interior do Museo de Lugo para reivindicar a identidade mariñeira da provincia e reflexar a importancia que a mar tivo como sustento e como porta cara a novos mundos”, expuxo Encarna Lago, xerente da Rede Museística Provincial, na presentación do proxecto esta mañá nos xardíns do Pazo de San Marcos.

A vicepresidenta da Deputación de Lugo, a nacionalista Maite Ferreiro, sinalou a necesidade de afondar “no recoñecemento e na visibilización da cultura mariñeira, especialmente desde a ollada das mulleres” e agradeceu “o traballo realizado polo persoal da Rede Museística para desenvolver proxectos coma este que nos fan sentir orgullo do propio”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...