InicioCulturaUn roteiro entre Riotorto e Meira reivindicará de novo a obra de...

Un roteiro entre Riotorto e Meira reivindicará de novo a obra de Avelino Díaz

A andaina celebrarase o domingo e comezará na casa natal do poeta, situada no lugar da Travesa

Publicada o

- Advertisement -

Este domingo celébrase o quinto roteiro en homenaxe ao poeta da diáspora Avelino Díaz (1897-1971). A andaina comezará na súa casa natal no lugar da Travesa, en Riotorto, e percorrerá uns dez quilómetros ata Meira, seguindo un trazado empregado tradicionalmente para  viaxar a pé entre as dúas localidades e que formou parte da experiencia vital do escritor antes de emigrar definitivamente a América no 1910.

A camiñada abrirá unha xornada de encontro en torno a figura do autor que continuará pola tarde en Meira cun xantar colectivo no polideportivo municipal, un recital dos seus poemas e mais a actuación musical da agrupación Arco da Vella.

O roteiro foi unha das primeiras actividades organizadas pola Asociación Cultural Avelino Díaz para reclamar a atención sobre a intensa actividade literaria, xornalística e política que o autor desenvolveu en Bos Aires co recoñecemento da comunidade galega, pero que apenas atopou eco no outro lado do Atlántico.

A asociación presentou a candidatura do autor ao Día das Letras Galegas nos últimos tres anos

O pasado verán, o colectivo marcou a ruta colocando sinais –cunha pluma de cor amarelo- en diferentes puntos deste percorrido polos montes de Candedo e pola Serra de Meira do que tamén se pode seguir o rastro nos poemas coñecidos de Avelino Díaz -boa parte da súa obra segue inédita ou por localizar-.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...