O director Nacho Ozores está a gravar en Barreiros a curtametraxe ‘O que medra por dentro’. O equipo técnico e artístico, que consta dunhas 20 persoas, está a utilizar localizacións como Santo Estevo do Ermo ou os arredores da praia de Arealonga.
O cineasta, criado en San Miguel de Reinante, coñece ben a zona, onde ten unha casa, e botará man tamén do areal de As Catedrais para ambientar a historia. ‘O que medra por dentro’ é unha curtametraxe que fala dos incendios, “pero sen incendios”, como avanza Silvia Fuentes, xefa de produción.
O actor madrileño Jaime Olías protagoniza a curta. O intérprete coincidiu con Ozores na serie ‘Al final del camino’, emitida por Televisión Española (TVE). O alcalde barreirense, Alfonso Fuente Parga, quixo achegarse á rodaxe.
