A debuxante, muralista e deseñadora pontevedresa Minia Regos ofrecerá en San Cibrao un obradoiro para nenos no que ensinará aos participantes como crear un libro ilustrado. Será o vindeiro sábado, 8 de setembro, na casa da cultura. A actividade comezará ás 12.00 horas.
As crianzas que participen no taller, cunha idade mínima de seis anos, experimentarán con distintas técnicas grafo-plásticas a partir dun enfoque lúdico, e serán capaces de crear o seu propio libro ilustrado.
COMO ANOTARSE
O prazo para anotarse na actividade, organizada polo Concello de Cervo e englobada no programa Ler Conta Moito da Xunta de Galicia, está aberto. Os interesados poden achegarse á casa da cultura para formalizar a súa inscrición ou chamar ao teléfono 982.59.51.57.
