InicioCulturaQuico Cadaval, Magín Blanco ou Xacarandaina, no outubro cultural de Burela

Quico Cadaval, Magín Blanco ou Xacarandaina, no outubro cultural de Burela

O actor e dramaturgo ofrecerá un monólogo sobre a Guerra Civil o día 19 e a agrupación folclórica mostrará o mellor da súa traxectoria o 27

Publicada o

- Advertisement -

Un monólogo de Quico Cadaval ou a actuación da agrupación de folclore galego Xacarandaina son dous dos atractivos da programación cultural do Concello de Burela, que arrincará coa representación da obra Elisa e Marcela, a cargo da Panadaría. Será este venres, desde as 21.00 horas.

O actor, narrador e dramaturgo Quico Cadaval presentará ‘Os inocentes‘ o venres 19, desde as 21.00 horas. Trátase dun monólogo baseado na Guerra Civil que mestura humor e denuncia social. Patrocinará a actuación Agadic, da Rede Galega de Teatros e Auditorios

O grupo de música tradicional e baile galego Xacarandaina, un dos máis representativos de Galicia, actuará o sábado 27, a partir das 20.00 horas. A formación coruñesa traerá a Burela o espectáculo Patrimonio Inmaterial’, un repaso da súa traxectoria -cumpre 40 anos– e das súas achegas, tanto no folclore como no vestido.

PARA NENOS

Outro dos reclamos da programación cultural burelesa será o concerto de Magín Blanco, que ofrecerá ‘Camiños‘, un espectáculo musical para nenos. Será o vindeiro sábado, ás 18.00 horas, con entrada de balde e englobado no Ler conta moito. Dentro deste mesmo programa enmárcase a actuación de Paco Nogueiras, o sábado 20 á mesma hora. 

Tamén para os pícaros, o venres 12 haberá teatro de monicreques con Trompicallo. O día 26, ás 20.30, os profesores do Ceip Virxe do Carme de Burela representarán a obra ‘O mítin’.

Ademais, haberá dúas sesións de cine infantil no auditorio (días 14 e 28) e o domingo 14 volverá o rastrillo popular solidario.

PREZOS POPULARES

Os prezos das entradas anticipadas aos espectáculos oscilarán entre os tres e os sete euros. O edil de cultura de Burela, José Díaz, sinala que “presentamos unha programación de gran calidade e quenes queiran poden asistir a todos os eventos por un prezo total de 20 euros“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...