InicioCulturaMondoñedo conmemorará o domingo os 40 anos do falecemento de Cunqueiro

Mondoñedo conmemorará o domingo os 40 anos do falecemento de Cunqueiro

Rexina Vega será nomeada Cunqueiriana de Honra; a programación inclúe un maratón de lectura de 'O ano do cometa' e unha ofrenda floral ante a tumba do autor

Publicada o

- Advertisement -

EFE. O Concello de Mondoñedo organizou para este domingo -día 28 de febreiro- un completo programa de actos para conmemorar o corenta aniversario do falecemento dun dos seus veciños máis ilustres, o novelista, poeta, dramaturgo e gastrónomo Álvaro Cunqueiro, cuxa casa natal foi rehabilitada e alberga un museo sobre a súa vida e obra.

Parte do programa de actos desenvolverase no Cemiterio Vello de Mondoñedo, onde ás 11.00 horas terá lugar a recepción dos invitados por parte do alcalde da localidade, Manuel Otero.

Posteriormente, realizarase unha ofrenda floral ante a tumba do escritor homenaxeado, momento no que tomará a palabra a ‘Cunqueiriana de Honra‘, a escritora viguesa Rexina Vega, que é a primeira muller en ser distinguida con este recoñecemento, segundo informou o propio Concello de Mondoñedo.

Ademais, no transcurso do mesmo acto, depositarase unha rosa ante a tumba doutro ilustre veciño do municipio, Manuel Leiras Pulpeiro. Un pouco máis tarde, procederase co nomeamento de Vega como ‘Cunqueiriana de Honra’.

A celebración terminará “cun maratón de lectura pública” da obra ‘O ano do cometa‘, de Álvaro Cunqueiro, no Auditorio Municipal Pascual Veiga. Vega, como autora homenaxeada, será a encargada de iniciar esa lectura pública.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...