InicioCulturaBurela impulsa un certame autonómico de videoclips que ofrecerá 1.200 euros en...

Burela impulsa un certame autonómico de videoclips que ofrecerá 1.200 euros en premios

Poderán participar no concurso, con galardóns en catro categorías, escolas de música e conservatorios de toda a comunidade

Publicada o

- Advertisement -

O Concello de Burela pon en marcha o primeiro Certame Autonómico de Videoclips Musicais enfocado a escolas de música e conservatorios, públicos e privados, de Galicia. O goberno local presentou este mércores o concurso, que ofrecerá 1.200 euros en premios.

Establécense catro galardóns: mellor videoclip inédito dotado con 500 euros; mellor videoclip cover (versión) con 250 euros; mellor videoclip en galego con 250 euros e Mellor videoclip elixido polo público con 200 euros. O prazo de presentación de traballos remata o 20 de xuño de 2021.

No acto de presentación participaron o alcalde, Alfredo Llano, o concelleiro de Cultura, José Díaz, o director da Escola de Música de Burela, Xan Carballal, e a actriz barreirense e membro do xurado deste Certame Estíbaliz Veiga.

Díaz explicou que “o certame vai enfocado a escolas de música e conservatorios de toda Galicia. Esperamos que participen moitas delas, o maior número posible. Os videoclips terán unha duración máxima de cinco minutos. O premio do público valorarase cos comentarios positivos dos vídeos que se vaian subindo á canle de Youtube“, indicou. O concelleiro agradeceu a colaboración da escola de música local e do director, Carballal, “que sempre se implica”, e a presenza de Veiga, “unha moi boa embaixadora da cultura para nós aquí na Mariña“.

Díaz esperou “unha alta participación” nun formato, o videoclip, “que cremos que é parte do posible traballo e proxectos das escolas de música e conservatorios. Consideramos que se adapta perfectamente aos tempos de pandemia en que vivimos e que estimula aos centros de ensino da nosa comunidade; actualmente case non poden amosar ao público os seus progresos e esta é unha maneira de poder canalizalos”, argumentou.

BASES

Poderá presentarse ao certame calquera  persoa ou colectivo pertencente a escolas municipais ou privadas de música de Galicia ou pertencentes a conservatorios, sempre situados na mesma Comunidade Autónoma e cuxo  representante supere a maioría de idade. Cada participante concursará cun máximo de cinco videoclips orixinais e inéditos.

“Valorarase a mensaxe social, educación en valores, a calidade sonora, técnica e de imaxe, a interpretación, e a complexidade dos videoclips”, indica o Concello nas bases. As propostas enviaranse ao correo electrónico casadaxuventude@burela.org.

Todos os premios serán decididos polo xurado excepto o do público que valorarán as persoas visualizando todos os presentados no canle de Youtube do Concello de Burela. Para puntualos contaranse o número de comentarios positivos dos mesmos, polo que non será suficiente con darlle “me gusta” ao videoclip á hora de computar os mesmos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...