Logo de dous anos de espera o metal voverá a soar en Viveiro gracias a unha pequena edición do Resurrection Fest, chamada Limited, que será de aforo “moi reducido”.
O Xacobeo 2021-22, a Deputación de Lugo e Concello de Viveiro decidiron colaborar para organizar o pequeno festival. Deste modo, “este evento servirá como estímulo para a economía local, sendo un reforzo moi necesario para Viveiro e a súa xente”, indican nun comunicado.
Os días elixidos para o concerto serán do 26 ao 28 de agosto no Campo de fútbol de Celeiro e con todas as medidas de seguridade e prevención actuais e “sempre seguindo a situación epidemiolóxica na que nos encontremos nese momento”. No concerto o público terá que estar sentado, con distancia social, aforo reducido e emprego das máscaras.
O festival xa anunciou o cartel no que “teremos grandes artistas internacionais e, ademais, bandas nacionais e galegas”. Os abonos de 3 días poderán comprarse a partir deste venres 6 de agosto. Ademais, para quen non poida asistir, tamén se realizará un Resurrection Fest Online do que a organización dará os detalles proximamente.