InicioCentralBurelaO IES Perdouro participou en Generación Eco, programa de Ecovidrio para fomentar...

O IES Perdouro participou en Generación Eco, programa de Ecovidrio para fomentar a sustentabilidade

O premio consistiu nun horto, un composteiro e ferramenta axeitada, valorado todo en 2.500 €, que Ecovidrio entregou ao IES Perdouro este luns 27 de xuño.

Publicada o

- Advertisement -

Durante todo este curso escolar o IES Perdouro participou en Generación Eco, un programa de Ecovidrio, entidade sen ánimo de lucro, co obxectivo de fomentar a sustentabilidade. Esta actividade foi proposta polo profesorado de Bioloxía e Xeoloxía, liderado pola súa xefa de departamento, Charo Fernández Suárez.

O alumnado da ESO, Bacharelato e Ciclos Formativos (máis de 400 alumnos) tiveron que superar nove retos que lles foron propoñendo ao longo do curso nos que se trataba de reducir o uso dos plásticos, evitar o consumismo, aproveitar a comida, reducir o uso dos coches, aforrar auga, evitar envases dun só uso, separar para reciclar e actuar para amortecer o cambio climático. Todos os retos foron superados con éxito. Isto supuxo que o centro logrará o segundo posto a nivel autonómico ao conseguir evitar a emisión de 7.529,16 kg de CO2 á atmosfera e aforrar 2.629,91 litros de auga grazas ás súas actuacións.

O premio consistiu nun horto, un composteiro e ferramenta axeitada, valorado todo en 2.500 €, que Ecovidrio entregou ao IES Perdouro este luns 27 de xuño. Co traballo no horto e a axuda do composteiro, o centro continuará contribuíndo máis aínda á sostibilidade no curso 2022-23.

Na foto aparece o profesorado do departamento de Bioloxía e Xeoloxía: Charo Fernández Suárez, Sol Galdo Sánchez, María José Fernández Vázquez e Fernando Losada Rodríguez, coas mesas de cultivo entregadas por Generación Eco.

http://www.edu.xunta.gal/centros/iesperdouro/node/2232

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...