A artista mexicana afincada en Ribadeo Betty Singh presenta no Cine Teatro da vila o seu disco “Mis Recuerdos”

No evento asinará discos aos interesados e unha parte das vendas do CD destinarase á AECC.


O Cine Teatro Ribadeo acollerá este venres 16 ás 20 horas a actuación da cantante mexicana, Betty Singh, quen presenta o seu novo traballo discográfico. Un disco con 18 rancheiras que teñen un significado moi especial para ela, tanto a nivel persoal como profesional.

A cantante, afincada en Ribadeo desde hai décadas, levaba moitos anos apartada dos escenarios ata que fai tres participou no programa de Antena 3 “La Voz Senior”. Agora quixo gravar un disco en homenaxe á súa familia, para deixar un pequeno legado sobre ela.

Nel recolle algunhas pezas musicais que marcaron a súa vida, coas que sente identificada e que dedica aos seus familiares. Especialmente a aqueles que ten no seu México querido.

Por iso realiza tamén este concerto-presentación para o que ten preparados oito temas do seu CD que interpretará en directo para o público que asista a unha gala que é gratuíta.

No evento asinará discos aos interesados e unha parte das vendas do CD destinarase á AECC.

RESPOSTAR

Please enter your comment!
Please enter your name here