A organización da Carreira Montes de Viveiro ‘Camovi‘ anunciou que, con motivo da coincidencia das próximas eleccións xerais, adiantará un día a celebración do evento, que será o 27 de abril. 

Por este motivo, expoñen os organizadores, a cairrera por etapas “CAMOVI C45” non poderá celebrarse, pero será substituída por una versión de relevos en parellas “CRelevos”, onde o punto de transición atoparase en Naseiro, no quilómetro 24 do percorrido.

O resto das distancias, C42, C21, C10 e Ckids manteranse inalteradas, pero na nova data do sábado 27. 

DEVOLUCIÓNS

Os corredores inscritos e afectados por esta circunstancia, terán ata o 1 de marzo para reclamar a devolución íntegra da súa inscrición.

A organización explica que “lamentamos as molestias causadas, pero evidentemente o anuncio das eleccións facíanos imposible continuar coa data programada. Despois de valorar as diferentes posibilidades, consideramos que o 27 de abril é a opción máis cómoda e viable”.