A sétima edición das xornadas formativas da Academia Imdecum contará coa presenza do ultrarunner laurentino Siro Maseda. O corredor ofrecerá unha conferencia sobre ‘Valores e deporte a través da montaña‘ o xoves 7 de xuño, na aula multiusos do IES Monte Castelo, desde as 16.30 horas.
As xornadas comezarán esta semana, o 31 de maio, cun relatorio sobre ‘Ocio, tempo libre e discapacidade intelectual’. Participarán na charla Pablo López Cora e José Pernas Gil, da Fundación Eu Son, ademais do técnico de deportes da entidade, Pablo Martínez Río, e Eunice Mosquera, directora técnica de Special Olympics Galicia.
PARA TODOS OS PÚBLICOS
O evento, que conta coa colaboración da Deputación de Lugo e o IES Monte Castelo, está destinado ao alumnado e titulados do ciclo superior de Actividades Físicas e Deportivas do centro, monitores deportivos e demais profesionais relacionados co deporte e ao público en xeral.
