InicioDeportesO Pescados Rubén FS remonta un 2-0 en Zaragoza e dá outro...

O Pescados Rubén FS remonta un 2-0 en Zaragoza e dá outro paso de xigante para o ascenso

O xogo de cinco permite ao equipo de Juanma Marrube manter unha diferencia de seis puntos sobre o segundo con 15 tantos por xogarse

Publicada o

- Advertisement -

O Pescados Rubén Burela FS remontou un 2-0 en Zaragoza (3-5) e deu outro paso de xigante para xogar a vindeira tempada na Primeira División da Liga Nacional de Fútbol Sala (LNFS).

Cinco xornadas quedan para o remate da competición, 15 puntos, e a primeira praza da Liga regular -que dá dereito a promocionar de categoría de xeito directo- parece cousa de dous.

O cadro que adestra Juanma Marrube ten seis tantos de renta sobre o segundo clasificado, o Betis, que gañou ao Talavera (1-7). O Mengíbar semella descartado tras perder na pista do Barcelona B (6-1).

Logo dun mal inicio, no que Muniesa -ao cuarto de hora- e Trasobares -tralo descanso- deron vantaxe ao Colo Colo sen que os mariñaos creasen excesivo perigo, a aposta do adestrador alfocego polo xogo de cinco deu resultado.

Juanfran limou diferenzas no marcador no minuto 27 e o manexo do porteiro-xogador serviulle ao líder da Segunda División para darlle a volta ao encontro. Pope, no 33 e 34; Renato, no 36 e Juanfran, no 39, plasmaron no electrónico o dominio do Burela FS deste recurso.

Carlos García recurtou diferencias nos últimos compases do encontro, sen facer perigar unha crucia vitoria dos burelaos.

VINDEIRA XORNADA

O Pescados Rubén Burela FS recibirá a vindeira fin de semana ao Talavera nunha nova tarde laranxa, que incluirá o derbi do equipo masculino contra o Poio Pescamar.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...