InicioDeportesBurela Bonita, o 21 de xullo, reivindica o pracer de correr de...

Burela Bonita, o 21 de xullo, reivindica o pracer de correr de noite

O Concello impulsa a carreira, que ofrece dous itinerarios, de cinco e dez quilómetros

Publicada o

- Advertisement -

A terceira edición da carreira nocturna Burela Bonita será o 21 de xullo, a partir das 22.30 horas. Os participantes na proba poderán elixir entre as modalidades de cinco ou dez quilómetros de distancia. Tamén haberá competición para nenos, xusto antes da quenda dos adultos.

O edil de deportes, Ramiro Fernández, presentou a carreira no consistorio. A intención do goberno local é “mellorar os 240 inscritos do pasado ano”, asegurou o concelleiro. “Estamos moi satisfeitos da iniciativa. Trátase dun deporte que está de moda”, indica.

PERCORRIDO

A proba repetirá percorrido. “O ano pasado os atletas felicitáronos polo cambio que fixéramos con respecto á primeira edición, e por iso decidimos repetir o mesmo traxecto”, expón.

INSCRICIÓNS

Os interesados en participar poden facer a súa inscrición a través de www.championchipnorte.com. A recollida de dorsais será na Praza de Abastos, tanto o 20 de xullo, cun horario de 18.00 a 20.30 horas, como o 21 de xullo, de 19.00 a 21.00 horas. A saída da proba será da Praza da Mariña ás 22:30 horas.

PREMIOS

Os premios na carreira de dez quilómetros serán de 100 euros para o primeiro, 50 euros para o segundo e trofeo para o terceiro, nas categorías masculina e feminina. Na proba de cinco quilómetros os tres primeiros clasificados recibirán un trofeo, na categoría masculina e feminina. Ademais haberá un agasallo de 100 euros para o primeiro corredor ou corredora local.

Fernández agradeceu “a todos patrocinadores que nos axudan nesta carreira porque sen eles facela non sería posible, e sobre todo á Deputación de Lugo, que nos financia unha parte moi importante da proba”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...