O atleta de Viveiro Adrián Ben citarase esta fin de semana cos mellores corredores do planeta no Mundial de Atletismo que se celebrará en Doha, a capital de Qatar.
Será a primeira participación nun Mundial sénior para o atleta viveirense, que malia contar só 21 anos xa participou en dúas grandes competicións na categoría absoluta, o Europeo indoor de Glasgow e o Campionato de Europa ao aire libre de Berlín.
Aquí tenéis la foto de la segunda expedición española hacia Doha. En la imagen atletas como Adrián Ben (.@adryben44), Irene Sánchez-Escribano (.@irenesef), .@Eusebio_Caceres, Héctor Santos (.@hector_atm), Mariano García) (.@marianoobst97), .@AlvaroDArriba y .@apeleteirob. pic.twitter.com/cZ64E96xw8
— Ángel Cruz Jiménez (@AngelCruzJ) 24 de septiembre de 2019
VERSATILIDADE
Se ben nesas dúas competicións Ben participou na súa proba favorita, a dos 1.500 metros lisos, para acceder ao Mundial de Doha debeu confirmar a súa versatilidade, pois obtivo praza nas series clasificatorias dos 800, unha distancia máis explosiva e na que a estratexia ten menos peso.
O vindeiro sábado, a partir das 17.05 horas, Ben loitará por unha praza nas semifinais do seu primeiro Mundial absoluto de atletismo, que de continuar coa súa progresión non será o único. As semifinais disputaranse o domingo, sobre as 21.55 horas, e a gran final será o martes, desde as 22.10 horas.