O xogador do Pescados Rubén Burela FS Iago Míguez foi operado o pasado martes con éxito na clínica de Fremap de Majadahonda do seu xeonllo dereito, con intervención de ligamento cruzado anterior e colateral medial.

O canteirán do equipo mariñao padeceu esta lesión no encontro do pasado mes de setembro fronte ao Levante en Vista Alegre, despois dun choque co porteiro visitante.

O servizo médico da entidade laranxa estima un tempo mínimo de recuperación entre oito e nove meses, polo que o futbolista mariñao non poderá axudar aos seus compañeiros no que resta de curso. O Pescados Rubén Burela FS recibirá o vindeiro venres ao Palma Futsal no pavillón burelao.