O CA Osasuna Magna será o vindeiro rival do Pescados Rubén Burela FS na Copa do Rei de fútbol sala masculino.
O equipo mariñao, que ven de eliminar ao AD Prone Lugo (0-6), terá que medirse en dezaseisavos a un conxunto de Primeira División. Os rioxanos ocupan a decimocuarta praza na clasificación con só un punto nas catro xornadas disputadas.
A eliminatoria, a partido único, disputarase en Vista Alegre entre o 23 e o 24 de outubro.
XORNADA LIGUEIRA
Os equipos laranxas preparan os partidos de liga deste sábado. O conxunto feminino desprazarase á pista do Móstoles FSF, sen Bea Mateos, Cami e Peque, baixa de última hora. Julio Delgado e Lucas si que poderán contar coa última incorporación, Tais Alves, para o encontro, que se disputará ás 18:30.
A mesma hora, o equipo masculino recibiráen Vista Alegre ao Dimurol Tenerife, que chegará a Burela como colista.
