O Pescados Rubén Burela FSF rabuñou un punto en Móstoles (3-3) cun gol de Bea Mateos a dous minutos do final, nun encontro no que houbo polémica. O equipo da Mariña, que non puxo o balón a rodar no primeiro minuto en protesta pola decisión do cadro local de non realizar os tests Covid-19 previos á cita, xogou todo o encontro con máscaras.
O pre-partido e mailo inicio marcaron o encontro, cun Móstoles agresivo ao que o conxunto burelao tentou dar réplica con continuas rotacións. Cilene, de penalti que supuxo unha expulsión nas filas mostoleñas, deu a vantaxe á escuadra visitante no minuto 7, poñendo as táboas Andreza para as madrileñas sobre a metade do primeiro acto. Inma adiantaría ás locais antes do descanso.
Tiveron que armarse de paciencia ‘as Guerreiras’ para equilibrar o encontro, por medio de Ale de Paz no minuto 30. Na recta final, Móstoles tomou de novo vantaxe nunha situación dun contra un de Benete. Con menos de dous minutos por diante, Burela apostou con xogo de cinco para acadar o definitivo 3-3, obra de Bea Mateos.
FICHA TÉCNICA
FSF Móstoles: Miri, Inma, Patri Chamorro, Celia, Sara Santos, cinco inicial; tamén xogaron Andreza, Shiori, Desi Godoy, Benete.
Pescados Rubén Burela FS: Jozi, Peque, Cami, M. Cortés, Elena Aragón, cinco incial; tamén xogaron Cilene, Ale de Paz, Dany, Bea Mateos, Lara Balseiro.
Goles: 0-1, minuto 7, Cilene (penalti); 1-1, minuto 9, Andreza; 2-1, minuto 19, Inma; 2-2, minuto 30, Ale de Paz; 3-2, minuto 38, Benete; 3-3, minuto 38, Bea Mateos.
Árbitros: Jarque Ruiz // Manso Martín. Por Móstoles vermella a Desi Godoy (minuto 7) e amarela a Andreza (minuto 10). Por Burela amarela a Jozi (minuto 5), Ale de Paz (minuto 28), Peque (minuto 35), Bea Mateos (minuto 39), Julio Delgado (minuto 39).
Incidencias: Partido correspondente á xornada 3 de Primeira División disputado en Villafontana.
