Os municipios do Viveiro -onde estará a base-, O Vicedo, Xove e Cervo acollerán a última proba do Campionato Galego de Rallys, o II Rally da Mariña, que terá lugar este vindeiro sábado, 12 de decembro, e que decidirá o título.
O II Rally da Mariña, organizado pola escudaría Mix Rally, conta con tres tramos a tripla pasada. Constará de 3 treitos diferentes, a triple pasada por cada un deles, tendo un total del 93,93 quilómetros cronometrados e un total de 254,95 quilómetros. A base será na Avenida Ramón Canosa viveirense.
TRES PASADAS POR TRAMO
A especial do Vicedo, encargada de abrir a proba, mantense invariable desde a anterior edición. O percorrido sairá de preto da estación de tren, no Camiño Sacido, para ir pola CP-4604, pasando en dirección ao Folgueiro. As pasadas: 8.28 horas, 12.42 e 16.56.
O treito de Xove modifica na saída aproximadamente un quilómetro, para manterse invariable a partir desa zona. O inicio, en Illade no pasado curso, pasa a Xuances, pasando o percorrido por Sumoas e Xove. Horario das pasadas: 9.16, 13.30 e 17.44 horas.
En Cervo, o Rally da Mariña discorrerá por un tramo de dez quilómetros; partirá de diante da Fábrica de Sargadelos, con dirección ao Campo da Bidueira, A Senra, Barxa, cruce de Castelo, Igrexa, O Seixo, Gondrás e rematará na zona do Castelo. Os pilotos farán tres pasadas por este traxecto: unha ás 9.54 horas, outra ás 14.08 horas e a derradeira e que pechará o campionato, ás 18.22 horas. Os tramos conlevarán restricións de tráfico nas zonas afectadas.
O TÍTULO GALEGO EN XOGO
Entre os inscritos están Víctor Senra, Alberto Meira, Iago Caamaño –gañador da proba na estrea da mesma– ou o ruso Nikolay Gryazin aos mandos dun Volkswagen Polo R5. Podes consultar nesta ligazón a listaxe completa.
OBRIGATORIO INSCRIBIRSE PARA O PÚBLICO
Por motivos de seguridade, para poder seguir a carreira como público desde os diferentes puntos habilitados é obrigatorio rexistrarse na páxina https://rallyemarina.wordpress.com/resixtro-covid-publico/.
A proba poderá seguirse tamén en directo a través da páxina https://www.facebook.com/mixrallyesports.
UN “ESCAPARATE” PARA A COMARCA
O edil de Deportes de Cervo, David Rodríguez, valorou que “un espectáculo como este, no que se garanten todas as medidas de prevención e seguridade e que ademais se pode seguir por “streaming” é un bo escaparate para dar a coñecer o noso concello”.
