O Pescados Rubén Burela FS empatou (2-2) co Manzanares en Vista Alegre, nun partido con alternativas no marcador, que deixou ao cadro laranxa cunha sensación agridoce.
O cadro burelés arrincou con forza. Os discípulos de Juanma Marrube rentabilizaron unha xogada de estratexia no minuto 5, cando Pope aproveitou un saque de esquina feito por Renato para abrir o marcador.
O conxunto local estivo menos fluído que noutras ocasións no ataque, pero mantívose forte atrás fronte a un rival que ofreceu unha boa imaxe.
SEGUNDO TEMPO
O panorama cambiou no ecuador da segunda metade. Hicham sacou da chisteira unha gran xogada individual para equilibrar o marcador.
O gol do empate fíxolle dano do Burela, que encaixou inmediatamente o 1-2, obra de Pablo Mel no minuto 28.
No minuto 36, o visitante Pepe veu o segundo cartón amarelo e a ofensiva laranxa deu resultado pouco despois.
Juanfran acadou o 2-2 e deu esperanzas aos locais de poder acadar a vitoria. Sen embargo, o Manzanares foi capaz de conservar o empate.
RESULTADOS
O cadro burelés segue invicto conserva o liderado por agora, a falta do que faga o filial de El Pozo este domingo contra o Córdoba. O Mengíbar aproximouse a un punto e o Betis tamén gañou, polo que está a dous tantos dos bureleses.
VINDEIRA XORNADA
O Pescados Rubén Burela FS desprazarase á pista do Rivas Futsal madrileño na vindeira fin de semana, nun partido correspondente á novena xornada da Segunda División.
O encontro disputarase o domingo, desde as 12.30 horas no pavillón de Parque Sureste.