O Burela FS demostrou unha vez máis que é o mellor equipo do mundo tras a súa vitoria na Futsal Women’s European Champions – a “Champions” do fútbol sala feminino-, que reuniu no Pazo dos Deportes de Lugo as campioas de España, Portugal, Rusia, Ucraína e
Italia.
As guerreiras laranxas venceron cun contundente 0 a 6 ante o Pescara italiano. O deputado de Deportes, Efrén Castro, celebrou que Lugo acollera a primeira edición deste torneo e que sexa “o Burela FS quen, unha vez máis, marque o camiño para avanzar na igualdade efectiva no deporte profesional poñendo as bases para consolidar esta competición no calendario oficial internacional”.
