O Concello de Viveiro acolle desde mañá e até o domingo, día 11 de setembro, o I Torneo de Pádel Concello de Viveiro.

Na presentación do campionato participaron esta mañá a alcaldesa de Viveiro, María Loureiro; o tenente de alcalde, Xesús Fernández, e membros do Club de Pádel Ego de Viveiro.

Haberá varias categorías: Primeira Masculina; Segunda Masculina; Iniciación; Mixta, e Feminino. Ademais, o evento, nas pistas de Area, contará con DJ, speaker, sorteos e máis sorpresas.

“O pádel é un deporte en alza moi practicado por persoas por todas as idades, polo que desexamos que sexa a primeira de moitas edicións deste torneo”, asegurou a alcaldesa María Loureiro.