Directivos de Alcoa realizan unha visita á planta de San Cibrao, no municipio de Cervo, tras o novo acordo que atrasa a outubro de 2025 o rearranque total de cubas a cambio de maior protección laboral para os traballadores e investimentos.
Neste encontro participan o presidente de Alcoa en España e director de Asuntos Corporativos para Europa, Miguel López-Quesada; a vicepresidenta de Operacións de Alcoa en Europa, Verónica Dolç; e o vicepresidente global de Enerxía, Álvaro Dourado.
Segundo explican a Europa Press fontes da compañía, esta é unha visita interna que se realiza de forma regular, que “forma parte da actividade normal da empresa e do seu funcionamento”.
En concreto, trátase da primeira visita de López-Quesada á planta de San Cibrao desde que asumiu a presidencia de Alcoa en España a comezos deste ano. Está previsto que o encontro se realice este martes e mércores.
O pasado 3 de febreiro, o persoal de Alcoa San Cibrao apoiou de forma maioritaria a proposta de Alcoa pola que se atrasa a outubro de 2025 a reactivación total do aceso das cubas, co que Alcoa tamén ampliaría o seu compromiso de non iniciar ERE nin ERTE na fábrica de aluminio ata o 31 de decembro de 2026, así como outros beneficios laborais.
NOVO PARQUE EÓLICO A INFORMACIÓN PÚBLICA
Por outra banda, Greenalia informou de que avanza na tramitación dun novo parque eólico para fornecer enerxía á planta Alcoa, trátase do chamado As Louseiras, nos municipios lucenses da Pastoriza e Meira.
Así, somete a información pública este parque eólico que conta con 26,4 megawatts e un investimento de 20,5 millóns de euros, que suporá “máis dun centenar de empregos”.
Neste sentido, prevese a posta en marcha de catro aeroxeradores, con 122,5 metros de altura. “A súa produción de enerxía limpa evitará máis de 29.000 toneladas de CO2 á atmosfera e producirála enerxía equivalente á xerada por 48.500 barrís de Brent”, indica Greenalia.
“Para a localización do parque seleccionouse unha área fóra de Rede Natura 2000, afastada as Zonasde Especial Protección para as Aves (ZEPA) e das Zonas Especiais de Conservación (ZEC)”, sostén Alcoa, xa que a zona de implantación do proxecto “presenta un uso eminentemente forestal na quepredominan as especies de crecemento rápido”. Con obxectivo de reducir os potenciais impactosdurante as obras, aproveitaranse ao máximo os viarios existentes para o acceso.
“Tras os correspondentes estudos de patrimonio, conclúese a inexistencia, na zona deactuación, de elementos de catalogados ou de interese cultural. En canto ao patrimonio arqueolóxico,non se detectou ningún ben patrimonial a menos de 200 metros de distancia”, asegura Greenalia nun comunicado.
