A planta de Alcoa en San Cibrao, en Cervo, acollerá a próxima reunión de seguimento do acordo polo que se parou a produción co compromiso de rearranque por parte da multinacional.

Segundo informa o comité de empresa, a reunión será este xoves 20 ás 16,00 horas. Trátase, en concreto, do décimo segundo encontro da mesa de seguimento.

Ademais dos temas habituais, as partes analizarán “as posibles axudas que encaixen” no plan estratéxico de recuperación para a descarbonización, segundo informa o comité, coa presenza do seu máximo responsable.