Desde Europeche, EBFA e as centrais sindicais europeas convócase para mañá martes día 9, coincidindo co “Día de Europa”, unha pitada durante 5 minutos dos buques europeos contra as políticas pesqueiras da Comisión Europea.

Desde o sector pesqueiro local de Burela (Armadores de Burela, Confraría de Pescadores e OPP-7) convocamos a todos os nosos buques, tanto os que están en terra como en altamar, a participar ás 12:00h facendo soar as súas sirenas e bucinas durante 5 minutos como acción de protesta contra as políticas da UE. A concentración no porto de Burela será ás 12:00h na dársena antes da Confraría de Pescadores.