O Ministerio de Agricultura, Pesca e Alimentación promove a formación integral a través de varios cursos a bordo do buque Intermares no Porto de Celeiro, segundo informa. Así, do 16 ao 20 de outubro realizaranse tres módulos de formación dirixidos a traballadores do mar, en colaboración co Porto de Celeiro e cun instituto de Formación Profesional.

O programa, que inclúe cursos e visitas técnicas, está financiado polo Plan de Recuperación, Transformación e Resiliencia (PRTR) e vai dirixido a máis de 150 persoas.

Paralelamente, programouse un curso específico para alumnos de Formación Profesional no ámbito de motores. “Desta maneira, o ministerio fomenta a formación integral en actividades relacionadas con este sector, non só a través da aprendizaxe senón tamén da especialización”, explica.