A Autoridade Portuaria de Ferrol-San Cibrao acaba de pechar o segundo mellor exercicio da súa historia, ao rexistrarse nas súas instalacións durante 2018 un tránsito de materias primas, materiais e produtos de case 13,7 millóns de toneladas.
As empresas que operan nos peiraos de Ferrol e San Cibrao, cuxo dique norte serve de apoio á multinacional do aluminio Alcoa, moveron en 2018 un total de 13.683.716 toneladas de mercancías, unha cifra que é un 20,4% superior á media de actividade do presente século.
0,7% MELLOR CA NO 2017
Tamén supón un avance do 0,7% respecto de 2017. De feito, sitúase 0,2 puntos porcentuais por baixo da marca absoluta de 2012.
MERCANCÍAS
A listaxe das mercancías líderes reflicte a importancia da enerxía e a metarlurxia. O carbón, con 4.730.790 toneladas, ten o liderado, polas 4.240.042 toneladas de bauxita estibadas.
A alúmina (1,2 toneladas), o gas natural licuado (851.821), o fueloil (451.461), a sosa cáustica (273.277), a chatarra (269.665), os aceites (244.233), a madeira (242.754) e o biodiésel (219.464) completan o “top dez”.
Podes consultar a información completa no Galicia Confidencial.
