InicioEconomíaAlcoa prevé gañar ata 70 millóns máis tras deixar Avilés e A...

Alcoa prevé gañar ata 70 millóns máis tras deixar Avilés e A Coruña

A multinacional estima incrementar o seu beneficio neto a partir do terceiro trimestre do 2019

Publicada o

- Advertisement -

Alcoa prevé que as medidas de reestruturación expostas nas súas plantas de Avilés e A Coruña permitirán á multinacional incrementar o seu beneficio neto nunha pinza de entre 70 e 80 millóns de dólares anuais (61,4 e 70,2 millóns de euros) a partir do terceiro trimestre do exercicio 2019, segundo indicou a compañía estadounidense.

Sobre o preacordo adoptado cos sindicatos o pasado mércores e que deberán refrendar os traballadores, o conselleiro delegado de Alcoa, Roy Harvey, asegurou que “é moi positivo e que se o persoal non estivese de acordo co programa segundo o establecido, entón temos 15 días para decidir como reaccionamos ante esa decisión”, engadiu, sen anticipar cal sería a decisión.

Tanto a CIG na Coruña como os traballadores de Alcoa San Cibrao, planta á que o preacordo afectaría con prexubilacións para reubicar 106 obreiros da Coruña e Avilés, mostráronse en desacordo coa proposta.

GAÑA UN 4,6% MÁIS NO 2018

Alcoa obtivo un beneficio neto atribuído de 227 millóns de dólares (199 millóns de euros) no conxunto do exercicio 2018, cifra que representa un incremento do 4,6% en relación ao resultado do pasado exercicio, segundo informou a compañía.

Podes ler a nova completa no Galicia Confidencial.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...