A ministra de Economía, Nadia Calviño, criticou este sábado a actitude “pouco responsable” de Alcoa por “sementar dúbidas” sobre o futuro da planta de San Cibrao, en alusión ao anuncio da dirección da multinacional de que a factoría sancibrense está “en risco” se non se melloran as condicións do estatuto do consumidor electrointensivo.
Calviño defendeu na Cadena Ser o “compromiso claro” do Goberno central para tratar de garantir un “proxecto estable a longo prazo” para as factorías de Alcoa na Coruña e Avilés, pero subliñou que cre “pouco serio por parte dunha empresa que está en proceso de peche dalgunhas plantas xerar incertezas aos traballadores doutra“.
OFERTAS
A ministra confirmou que “hai ofertas” para as plantas da Grela e San Balandrán, pero eludiu responder se Alcoa está a mostrarse colaborativa neste punto, porque “unha das características deste tipo de procesos é que é importante gardar a discreción“. Podes ler a nova completa no Galicia Confidencial.
