O presidente da Confraría de Pescadores de Burela, Basilio Otero, anunciou que “tres ou catro embarcacións” do porto burelao iniciarán “ao longo desta semana ou principios da próxima” a costeira do bonito.

Así, a frota do bonito de Burela segue a minguar, dado que no 2017 abriron a campaña seis embarcacións e pasado ano cinco, aínda que Otero precisa que durante os meses de xullo e agosto “participarán moitas máis“.

“PREOCUPACIÓN” POLO IMPACTO DE CANARIAS

O patrón maior burelao alertou de que no sector “hai preocupación porque os canarios pescaron máis que o ano pasado. A ver onde chegan e a ver o que pasa cos barcos de cebo vivo que son os que máis consumo teñen”, puntualizou Otero. Podes ler a nova completa no Galicia Confidencial.