InicioEconomíaA frota que vende en Burela consumiu "o 57% da cota" de...

A frota que vende en Burela consumiu “o 57% da cota” de bonito e prevé a fin da costeira en agosto

A lonxa burelá subastou ata o de agora máis de 660 toneladas do túnido, cun prezo medio de 4,04 euros o quilo

Publicada o

- Advertisement -

Os barcos que atracan no porto de Burela consumiron o 57 por cento da cota durante a costeira do bonito, na que se subastaron máis de 660 toneladas desta especie na lonxa da localidade mariñá.

O xerente de Armadores de Burela, S. A. (Absa), Miguel Neira, cifra en 662.000 quilos os vendidos ata o final do presente mes de xullo, o que supón unha cifra “moi semellante” ás rexistradas o pasado ano.

MÁIS QUILOS, PEOR PREZO

Neira matiza que este ano rexistrouse “un lixeiro incremento en canto a quilos” e unha “pequena redución no volume de negocio” como consecuencia de que o prezo medio nesta campaña é ata o de agora de 4,04 euros o quilo, mentres que na pasada costeira alcanzou ao peche do exercicio os 4,18 euros.

“Producíronse variacións mínimas. Estamos, iso si, por riba das cifras de 2016 e 2017, que foron campañas moi malas”, expuxo o empresario.

ARREDOR DE 40 BARCOS

Deste xeito, as arredor de 40 embarcacións que atracan no porto de Burela xa consumiron “un 57 por cento de cota”, polo que Neira augura que a costeira deste ano, ao igual que aconteceu en 2018, pecharase “en agosto” e tampouco se chegará a outubro, como era habitual nas anteriores campañas.

O ano pasado, a costeira foi a máis rápida da historia, ao rematar o 23 de agosto. Daquela, a frota de Burela lamentou o abrupto peche da pesquería, dada a abundancia do peixe. Os empresarios sinalaron que os Totais Admisibles de Captura (TAC) estiveron “moi por debaixo” do que “permitía” a situación biolóxica da especie.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...