InicioEconomíaO persoal concentrarase polos impagos antes dunha semana chave para o futuro...

O persoal concentrarase polos impagos antes dunha semana chave para o futuro de Muebles Hermida

Con arredor de 95 traballadores e en declive desde a crise do sector e o estourido da burbulla inmobiliaria, a empresa debátese entre a venta e o concurso de acredores

Publicada o

- Advertisement -

O persoal de Muebles Hermida concentrarase este xoves, 28 de decembro, polos atrasos de tres meses no pago das nóminas, antes dunha semana que se presume chave para o futuro da empresa de Lourenzá.

A protesta será de 14.00 a 15.00 horas, e despois das discrepancias que mantiveron ao longo das últimas semanas os dous principais sindicatos do comité de empresa, formado por CIG -dous delegados-, UXT -dous representantes- e un independente, finalmente a convocatoria acadou a unanimidade do organismo de representación dos traballadores.

Ante a delicada situación da empresa, que ten a intención de vender unha fábrica na que traballan arredor de 95 empregados, a semana que vén podería ser chave para o futuro de Muebles Hermida, que se debate entre a venta -a dirección conta, segundo expuxo aos sindicatos, con alomenos dúas ofertas– ou o concurso de acredores.

CHEGOU A TER 225 EMPREGADOS

Constituída no 1982 e outrora un referente a nivel galego que chegou a dar emprego a 225 traballadores e xerar un volume de negocio de 24 millóns de euros, Muebles Hermida entrou en declive na época da crise do sector e do estourido do boom inmobiliario. No 2011 presentou un ERE de extinción que afectou a 75 traballadores, que supuñan daquela case o 40% do persoal. Nos últimos tempos, e malia un repunte da facturación no 2015, a empresa non remontou o voo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...