O conselleiro de Economía, Emprego e Industria, Francisco Conde, instou este xoves ao Goberno central a “romper a agonía” dos traballadores da factoría que a multinacional estadounidense do aluminio Alcoa en San Cibrao.

En declaracións a un grupo de xornalistas, Conde reclamou ao Executivo central abandonar “as escusas” e aprobar un estatuto das electrointensivas para rebaixar o prezo da enerxía ás empresas grandes consumidoras de enerxía eléctrica.

O conselleiro, que se reunión con traballadores autónomos para explicarlles o paquete de medidas que acaba de aprobar a Xunta para apoiar a ese colectivo, pediu ao novo Executivo que “abandone as mensaxes contradictorias” e “sexa transparente“.

Na súa opinión, o Executivo central “leva máis dun ano falando dun borrador” de estatuto que “en ningún momento lle trasladou á Comunidade Autónoma ou ás propias empresas”, e ademais “non deu resposta ás propostas” suscitadas polo Goberno galego.

Segundo o conselleiro, os traballadores de Alcoa non necesitan “escusas”, senón “unha resposta inmediata”, para dispoñer dun estatuto que “garanta un prezo entre 35 e 40 euros o megavatio“.

Tras tomar posesión do cargo, o Goberno, presidido por Pedro Sánchez, “ten todas as competencias” e “xa non ten escusa posible” para resolver unha situación na que “está en xogo a continuidade da produción de aluminio primario en San Cibrao”, apuntou o conselleiro.