A ministra de Industria, Comercio e Turismo, Reyes Maroto, acusou este xoves ao presidente da Xunta de Galicia, Alberto Nuñez Feijóo, de “utilizar” os traballadores de Alcoa para manifestarse en contra do estatuto electrointensivo e reprochoulle “que non fixese” política industrial durante o seu mandato.
Así o expresou a ministra en declaracións aos medios de comunicación despois dunha reunión en Santiago de Compostela. “Feijóo está a utilizar o estatuto como un elemento negativo para Galicia e non é así, dá seguridade e certeza. O presidente da Xunta equivócase cando non busca ao Goberno de España como aliado”, sentenciou.
En referencia ás alegacións ao estatuto da industria electrointensiva, Reyes Maroto sinalou que xa se recibiron todas e que o Ministerio se atopa nestes momentos estudándoas unha por unha.
VISITA DE CASADO A ALCOA
Reyes Maroto tamén criticou o encontro que tivo esta mañá o líder do PP, Pablo Casado, cos traballadores de Alcoa, e instou á formación ‘popular’ a ser “leal” co Goberno de Pedro Sánchez para resolver o problema desta planta industrial.
