Sargadelos presentou este venres un Expediente de Regulación Temporal de Emprego (Erte) que afectará practicamente á totalidade do persoal das súas fábricas de Cervo e Sada. As dúas factorías do grupo empresarial suman arredor de 210 traballadoras, a metade no municipio cervense.
Na fábrica da Mariña Lucense, o Erte afectaría a todo o persoal agás empregados de mantemento e as traballadoras encargadas da venta online.
O pasado día 19, Sargadelos xa anunciara un Erte para uns 20 empregados do departamento comercial, segundo recolleu La Voz de Galicia. Malia que conta con pedidos fixos e venta a través de Internet, a caída da demanda a causa do estado de alarma e a crise sanitaria motivada polo coronavirus fixeron que a empresa decidise aplicar tamén o expediente ao resto do persoal.
CASE 3.000 EMPRESAS PRESENTARON SOLICITUDES
Segundo informou a Consellería de Industria, Economía e Emprego, ata este venres solicitáronse 2.954 Ertes na provincia desde que o Goberno central declarou o estado de alarma. Os expedientes afectarían a un total de 9.932 traballadores de empresas lucenses.
|
|
ERTES |
PERSOAS TRABALLADORAS |
|
A Coruña |
9.100 |
41.783 |
|
Lugo |
2.954 |
9.932 |
|
Ourense |
2.948 |
11.807 |
|
Pontevedra |
7.929 |
49.770 |
|
Autonómico |
688 |
11.626 |
|
Estatal |
32 |
s.d. |
|
TOTAL |
23.651 |
124.918 |
No global galego, documentáronse 23.651 solicitudes, que afectarían a un total de 124.918 traballadores, segundo as mesmas fontes.
