IniciosociedadeOs portos da Mariña ofreceron o 30% do peixe fresco descargado en...

Os portos da Mariña ofreceron o 30% do peixe fresco descargado en Galicia durante o estado de alarma

As XXVII Xornadas Técnicas de Expomar, as primeiras non presenciais nos seus 27 anos de historia, celebráronse o pasado xoves telematicamente con máis de 300 participantes

Publicada o

- Advertisement -

Durante a mañá do xoves 25 de xuño celebráronse as XXVII Xornadas Técnicas de Expomar, as primeiras non presenciais nos seus xa 27 anos de historia e que se emitiron en aberto a través de videoconferencia na plataforma “IESIDE sen muros
de Afundación Abanca. Máis de 300 persoas seguiron o evento.

SECTOR ESENCIAL

Baixo o título “A Pesca, un sector esencial; e agora, que?”, esta primeira edición non
presencial das Xornadas analizou a situación pesqueira actual desde distintos puntos de vista, tendo en conta o impacto do coronavirus e o Brexit nun sector esencial como a pesca, así como as principais repercusións sociais e económicas esperadas para os próximos meses.

O foro abriuse coa presentación do presidente da Fundación Expomar, Alfredo
Llano, que destacou a importancia do mar para Burela, “exemplo do bo facer na pesca”, e convidou a todos os asistentes á próxima edición da Feira Náutico-Pesqueira, que terá lugar en Burela o próximo mes de maio 2021.

A continuación interveu a Secretaria Xeral de Pesca Marítima do Ministerio de
Agricultura, Pesca e Alimentación, Alicia Villaoriz, que recoñeceu como durante a
crise do Covid-19 a pesca rebelouse como un dos “sectores esenciais para a economía, imprescindible como garante da seguridade alimentaria” do país; e como tal debera recibir a atención que lle corresponde.

O BREXIT, TEMA CHAVE

Durante a Xornada, a Directora Xeral de Pesca da Consellería do Mar da Xunta
Galicia, Mercedes Rodríguez Moreda, centrouse nos efectos do virus no sector
pesqueiro, presentando o programa Avantemar, elaborado pola Xunta de
Galicia para a reactivación e dinamización no sector marítimo-pesqueiro.

Pola súa banda, o presidente da European Fisheries Alliance (EUFA), Gerard van
Balsfoort, centrouse nas consecuencias do Brexit no sector da pesca, tanto para o
ámbito comercial como para a frota española e galega que pesca en augas
británicas, con especial fincapé na situación actual e o cambio do calendario das
negociacións entre a Unión Europea e o Reino Unido.

Finalmente o Secretario Xeral de Cepesca e Presidente de Europeche, Javier
Garat, agradeceu o papel dos pescadores durante a crise do Covid-19, que a pesar de todas as dificultades permitiron que os alimentos do mar seguisen chegando ata
os consumidores españois. E destacou o esforzo das organizacións pesqueiras e
sobre todo das empresas do sector, que son as que sufriron directamente o impacto
da situación.

O director de Abanca Mar, Javier Fraga, actuou como moderador das xornadas,
dando paso a cada un dos relatores e tamén ás preguntas que lles facían chegar a
través do chat os asistentes ao acto. Desvelou a relevancia fundamental que tivo A
Mariña Lucense para a creación no seu día da división do Mar dentro de Abanca,
debido á importancia das empresas do sector no movemento económico da zona.

A clausura das Xornadas Técnicas 2020 correu a cargo da Conselleira do Mar da
Xunta de Galicia, Rosa Quintana, quen destacou o papel dos portos e lonxas da
Mariña Lucense, que desde o inicio do estado de alarma chegaron a fornecer o 30%
do volume total de peixe fresco de Galicia.

A titular de Mar salientou o importante rol desenvolvido polos portos da Mariña lucense desde o inicio do estado de alarma, coa descarga de arredor de 12.500 toneladas de peixe e marisco e a facturación duns 27 millóns de euros, o que demostra a súa implicación no obxectivo de subministrar alimentos de calidade á cidadanía.

Tamén se acordou da frota de Gran Sol, á que hai que defender nun momento clave como son as negociacións do Brexit.

Momento da intervención do presidente da Fundación Expomar, Alfredo Llano. AXM

ESTE VENRES, ENCONTRO EMPRESARIAL

Na mañá do venres celebrarase, tamén por primeira vez de forma non presencial, o
XXI Encontro Empresarial de Organizacións Pesqueiras, que reúne cada ano ás
entidades máis representativas da frota galega e ás asociacións profesionais do
sector pesqueiro a nivel nacional.

A reunión dos representantes da frota terá lugar entre as 10.00 horas e as 13.30 horas por
videoconferencia. Ao finalizar o evento, como cada ano presentaranse as conclusións aos medios de comunicación en torno ás 14.00 horas, momento no que se farán públicas. As Xornadas Técnicas e o Encontro Empresarial están promovidos pola Fundación Expomar, en colaboración coa Deputación de Lugo e Afundación Obra Social Abanca, e financiadas polo GALP A Mariña Ortegal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...