InicioEconomíaAprobado o fondo de garantías que respaldará PPAs para as electrointensivas

Aprobado o fondo de garantías que respaldará PPAs para as electrointensivas

O Estado asumirá con 600 millóns en tres anos os riscos derivados das operacións de compravenda de enerxía, a fin de estimular pactos entre renovables e a industria pesada

Publicada o

- Advertisement -

O Consello de Ministros aprobou este venres o Fondo Español de Reserva para Garantías de Entidades Electrointensivas (Fergei), para a cobertura por conta do Estado dos riscos derivados de operacións de compravenda a medio e longo prazo do fornezo de enerxía eléctrica (PPA) entre consumidores de enerxía eléctrica que teñan a condición de grandes consumidores de enerxía, entre eles Alcoa.

Trátase dunha promesa do Executivo socialista cuxa aprobación se retrasou varios meses. O Fergei está dotado con 200 millóns anuais, para cubrir un máximo de 600 millóns de investimento nun prazo de tres anos.

A administración da tesorería do Fondo encoméndase ao Consorcio de Compensación de Seguros e desígnase como Axente Xestor á Compañía Española de Seguros de Crédito para a Exportación (Cesce). Para que as industrias poidan obter esas garantías para PPA, deberán contratar polo menos por cinco anos un 10% do seu consumo anual, unha vez que o fondo sexa posto en marcha.

“Coa creación do fondo cumprimos o compromiso político de apoio ao sector industrial electrointensivo”, expuxo a ministra de Industria, Comercio e Turismo, Reyes Maroto; “é unha medida chave para axudar á gran industria a rebaixar a súa factura enerxética alcanzando un prezo estable, e a facela máis competitiva; á vez, dá seguridade e certeza para impulsar os investimentos nas plantas”, argumentou.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...