InicioEconomíaO Concello reunirase o venres cunha empresa "interesada" en criar salmón no...

O Concello reunirase o venres cunha empresa “interesada” en criar salmón no porto de Burela

O alcalde expón que o enclave industrial incluiría "todo o proceso, desde a cría ata a preparación para a comercialización", e que podería "mellorar a situación laboral" no municipio

Publicada o

- Advertisement -

O alcalde de Burela, Alfredo Llano, anunciou que manterá o vindeiro venres, 11 de setembro, unha xuntanza cos responsables dunha firma de cultivo de salmón que está interesada en asentarse no municipio.

O rexedor sinalou que “hai unha empresa que está moi interesada en vir instalar aquí un criadeiro de salmóns, con todo o proceso, desde as crías para desenvolvelos ata que estean preparados para comercializalos. É unha empresa que ten uns obxectivos claros”, explica.

Para Llano “hai moi bo entendemento con esta empresa e creo que ten unha gran intención de implantarse no noso concello, concretamente na zona do porto, pero hai que mirar todo o que pretenden e a ver como se poden ir dando os pasos para que isto se vaia concretando”.

O alcalde burelés dixo: “imos falar con eles sobre o que pretenden facer, cales son as características da empresa, o funcionamento, as necesidades e todo que se deriva da instalación dunha firma como esta. Imos velo porque estamos interesados en favorecer que veña esta empresa e outras. De feito xa está en marcha algún proxecto máis para implantar no noso concello. Trataremos de facilitar todo o posible a instalación de empresas para mellorar a produción e a tamén a situación laboral” da veciñanza, “que interesa moito nos tempos nos que estamos”, concluíu.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...