IniciosociedadeComeza a experimentación con prototipos contra a néboa na A-8

Comeza a experimentación con prototipos contra a néboa na A-8

Os catro proxectos seleccionados ensaiaranse no treito comprendido entre Mondoñedo e A Xesta

Publicada o

- Advertisement -

O Ministerio de Transportes, Mobilidade e Axenda Urbana iniciou experimentos en campo con prototipos para buscar solucións que reduzan o efecto adverso da néboa na circulación viaria no tramo da A-8 comprendido entre Mondoñedo e A Xesta. Entre eles, hai proxectos con balizas de luz láser e tecnoloxía LED.

Nun comunicado, o Ministerio lembrou que a finais de 2019 formalizou sete contratos de servizos de investigación e desenvolvemento da Compra Pública Precomercial (CPP) cuxo importe total ascendeu a 5,64 millóns de euros.

Sistema de difusión automático por aspersores de materiais
higroscópicos. AXM

Tres deles están centrados no desenvolvemento de sistemas de axuda á condución en situacións de néboa e os catro restantes para deseñar sistemas para disipar a brétema xa sexa por illamento, eliminación ou desprazamento.

A nova fase de experimentación, que inclúe a construción e instalación das tecnoloxías a escala real, intervén tralos estudos para demostrar a eficacia e a viabilidade técnica e económica de cada proposta. Catro dos prototipos deben probar o seu correcto funcionamento na mencionada zona. Entre eles figuran un de “difusión automático por aspersores de materiais higroscópicos” e outro que combina “barreiras estáticas e barreiras dinámicas que empregan dispositivos fluído-mecánicos”, precisa o Ministerio.

Sistema de sinalización horizontal sobre a estrada con tecnoloxía LED. AXM

Os prototipos de asistencia aos condutores de vehículos inclúen un sistema de balizas laterais na vía con luz láser e outro de señalización horizontal con tecnoloxía led proxectada sobre a calzada, engade. “Unha vez validada a tecnoloxía ensaiada, procederase a unha contratación convencional para a construción dos sistemas seleccionados”, conclúe.

Combinación de barreiras estáticas e dinámicas que
empregan dispositivos fluído-mecánicos. AXM

O DELEGADO DO GOBERNO: “É UNHA BOA NOVA PARA LUGO E GALICIA”

O delegado do Goberno en Galicia, Javier Losada, afirmou este venres que o inicio dos traballos para colocar os prototipos é “unha boa noticia para Lugo e para Galicia porque permitirá resolver en gran medida un problema para a seguridade viaria“.

Le a información completa no Galicia Confidencial.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...