Comeza a campaña do boi e da centola na Mariña luguesa

A cota máxima de captura para cada unha destas especies será de 35 quilos por barco e día, así como outros 35 quilos diarios por cada tripulante a bordo

Centola. AXM

Este luns queda aberta a campaña extractiva da centola e o boi na Mariña luguesa, segundo informou a Consellería do Mar, que dá luz verde á recollida destas especies na zona comprendida entre Estaca de Bares (na Coruña) e o río Eo, ría do Barqueiro incluída.

Deste modo, a frota dedicada a estas especies poderá saír a faenar xa na madrugada do luns e levar as capturas para a súa venda nas lonxas da mañá.

Queda así aberta a campaña para todo o litoral galega, xa que a extracción na costa coruñesa e nas Rías Baixas xa está autorizada dende o 9 de novembro. Manterase activa, tanto na zona norte coma na sur, ata que o determine o correspondente plan de xestión.

A cota máxima de captura de cada unha destas especies será de 35 quilos por barco e día, ao que se engadirán 35 quilos ao día por cada tripulante a bordo. Poderán participar na campaña todas as embarcacións con artes menores e con porto base en Galicia, así como aquelas con porto base noutras comunidades pero que conten con permisos especiais de pesca para faenar en augas galegas.

RESPOSTAR

Please enter your comment!
Please enter your name here