O presidente da Federación Nacional de Confrarías de Pescadores e patrón maior de Burela, Basilio Otero, asegurou este xoves que o sector ve con “preocupación” a campaña de Nadal e animou á xente a consumir “produtos de proximidade”, neste caso da Mariña.

Este “medo”, segundo indicou, vén provocado, nunha “parte moi importante” pola situación pola que atravesa a hostalaría. “Non vai haber ceas de empresa, onde se consumía moito peixe e marisco. Non vai haber reunións familiares normais. Hai moita incerteza (no sector)”, sinalou.

En canto ás axudas, Otero lembrou que teñen “varias subvencións concedidas”. “Ademais a Xunta ten algunha (axuda) e o Goberno central tamén”, constatou. Sexa como sexa, o presidente da Confraría de Pescadores de Burela avanza que “haberá que esperar” a ver como evoluciona este mes de decembro para pedir máis apoios que irán en consonancia á evolución da campaña. Le a información completa no Galicia Confidencial.