O comité de empresa de Alcoa San Cibrao amosou o seu apoio a través dun comunicado de prensa aos empregados de Eurest, que opera no comedor do complexo industrial. Segundo o organismo de representación dos traballadores, “debido a unha reestruturación” na firma, “estase a despedir ou incluír en Expediente de Regulación Temporal de Emprego (Erte) a varios traballadores, afectando ao cadro de persoal que presta servizo nas nosas instalacións”.

Os sindicatos amosan “todo o noso apoio” aos traballadores “nestes momentos tan complicados”, reivindicando “a necesidade deste persoal no complexo, afrontando unha pandemia co risco que iso conleva, para poder dar un servizo eficaz nunha situación tan difícil como a que se está vivindo nestes momentos, xa que impacta na calidade e na atención ao ter que asumir, o pouco persoal que queda, unha carga de traballo superior ao que lles correspondería”.