O Boletín Oficial do Estado (BOE) publicou este xoves tres resolucións da Secretaría Xeral de Pesca que actualizan as cotas de cabala (verdel ou xarda) no Cantábrico e noroeste para as frotas de Lugo, A Coruña e Cantabria.
As resolucións corresponden á repartición de cabala entre os barcos que usan artes distintas ao arrastre e cerco.
A actualización prodúcese tras a última reunión do Consello de Pesca da Unión Europea (UE) en marzo e unha vez deducida a parte dunha multa por “sobrepesca” en 2009, imposta a España, que se aplicará para as capturas desa especie en 2021.