A Fundación Expomar acordou, na reunión do comité executivo celebrada este luns, que este ano non se celebrará a tradicional feira náutico-pesqueira de Burela, dado que non se dá a seguridade suficiente para a súa celebración.

A próxima edición terá lugar en 2023, xa que no próximo ano 2022 coincidiría con outros eventos similares en Vigo e Bilbao. Neste 2021 si que haberá, os días 20 e 21 de maio, as xornadas técnicas e o encontro empresarial que, por segundo ano consecutivo, terán lugar de maneira telemática.

Nos próximos días, segundo informaron desde a fundación, iranse pechando o programa e os relatores.