A Xunta culpa ao Goberno central da situación das negociacións sobre Alcoa

Di que a "inquietude, incerteza e falta de seguridade sobre o futuro dos postos de traballo precisan desa resposta".

Conde, nunha videoconferencia. XOÁN CRESPO/XUNTA DE GALICIA

O vicepresidente económico da Xunta, Francisco Conde, criticou que o Goberno central estivese “ausente” na negociación para a compravenda da planta de Alcoa en Cervo, á vez que lle instou a “rectificar” e volver á mesa onde se manteñen as conversacións, co ánimo de dar unha resposta aos traballadores da fábrica da Mariña.

Así se pronunciou Conde xustamente horas antes de que se produza un novo encontro entre o Executivo e os representantes dos traballadores de San Cibrao. “Temos a expectativa de que o Goberno poida dar unha explicación razoable de por que está ausente da mesa de negociación e por tanto levamos tres meses parados, sen que haxa ningún tipo de avance”, subliñou.

Neste sentido, esperou “que o Goberno volva a esa mesa de negociación e asuma o compromiso que tiña establecido de dar unha solución á planta”. Segundo recalcou o vicepresidente económico, “necesariamente tanto o ministerio como a SEPI teñen que estar nesa mesa e atopar unha solución a través do diálogo e do compromiso de Alcoa para facilitar esa venda”.

A “inquietude, incerteza e falta de seguridade sobre o futuro dos postos de traballo precisan desa resposta”, concluíu, antes de interpretar que “esa volta á mesa de negociación é un paso imprescindible e a partir de aí que haxa unha rectificación por parte do Goberno”.

AXENCIAS

RESPOSTAR

Please enter your comment!
Please enter your name here