InicioEconomíaO Congreso pide a intervención temporal de Alcoa a través da SEPI

O Congreso pide a intervención temporal de Alcoa a través da SEPI

Contou co apoio de todos os grupos, agás Ciudadanos,que votou en contra e o PSOE, Vox e o PNV, que se abstiveron.

Publicada o

- Advertisement -

comisión de industria do Congreso aprobou este martes, sen o apoio do PSOE pero co apoio de Unidas Podemos, unha iniciativa para esixir ao Goberno de coalición a intervención temporal de Alcoa a través da Sociedade Estatal de Participacións Industriais (SEPI) e das súas antigas plantas na Coruña e Avilés (Asturias), na actualidade Alu Ibérica.

A iniciativa, unha proposición non de lei defendida polo BNG e finalmente pactada co PP, foi aprobada co apoio tamén de Unidas Podemos, Esquerra Republicana, EH-Bildu e Foro Asturias. Ciudadanos votou en contra e o PSOE, Vox e o PNV abstivéronse.

O texto finalmente aprobado, insta o Goberno a “actuar coa máxima axilidade, dilixencia e transparencia” no proceso de negociación e diálogo entre Alcoa, a administración pública, a representación dos traballadores e os potenciais compradores.

Así mesmo, chama a fixar un calendario para a intervención pública temporal de Alcoa que permita o control por parte da SEPI da factoría e “garanta a posición adecuada para a negociación con potenciais interesados en desenvolver proxectos industriais solventes e estables que garantan a continuidade da actividade e dos postos de traballo na planta de San Cibrao (Lugo)”.

Finalmente, o Congreso reclama acordar a posta en marcha dunha intervención pública temporal de Alu Ibérica na Coruña e Avilés para incorporalas á SEPI, tendo en conta a intervención xudicial decretada, para o desenvolvemento dun plan industrial que permita a plena actividade produtiva e a ocupación dos cadros de persoal destas dúas plantas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...