InicioEconomía“Turismo sen estrés” para que os visitantes volvan á Mariña tras a...

“Turismo sen estrés” para que os visitantes volvan á Mariña tras a pandemia

A Mariña véndese en Fitur “fronte ás présas, aglomeracións, colas, asfalto e ruídos doutros destinos”.

Publicada o

- Advertisement -

A Mariña lucense presentouse esta tarde en Fitur como destino turístico slow e responsable. No acto proxectouse o vídeo Vuelve a encontrar el Norte. Visita A Mariña Lucense así como as distintas gráficas da campaña, que representan os principais atractivos da comarca: natureza, costa e interior, patrimonio cultural, gastronomía, vida rural, tranquilidade e calidade de vida.

O presidente da Mancomunidade, Fran Cajoto, insistiu na súa intervención en que “A Mariña Lucense ofrece ao visitante a posibilidade de afastarse do estrés do día a día, grazas a unha proposta baseada no turismo slow, un xeito sostible de viaxar, que aposta por destinos illados e evita as masificacións para dar prioridade á experiencia do viaxeiro”.

A Mancomunidade da Mariña aposta por que operadores turísticos e visitantes escollan A Mariña “fronte ás présas, aglomeracións, colas, asfalto e ruídos doutros destinos e se viaxe a esta comarca co propósito de acumular vivencias”.

Fran Cajoto presentando a oferta turística da Mariña en Fitur / Mancomunidade de Concellos da Mariña

Ademais, o rexedor destacou que os concellos integrantes do xeodestino conforman un itinerario no que poder reconectar cun mesmo “a través de paisaxes salvaxes, con praias paradisíacas e costas agrestes encravadas en pleno norte peninsular, a zona que o visitante leva tempo querendo atopar”. Unha oferta turística que tamén vai acompañada de “boa gastronomía” e unha completa rede de hoteis, hostais ou casas rurais.

O material promocional do xeodestino estará dispoñible a demanda dos profesionais do sector e do público xeral na área provincial do stand de Galicia. A Mancomunidade concertou reunións con operadores turísticos co obxectivo de presentarlles toda a variedade de recursos, de produtos e de servizos turísticos da Mariña.

XUNTA

Tamén o delegado territorial da Xunta en Lugo, Javier Arias, subliñou en Fitur os grandes reclamos turísticos con que conta A Mariña lucense, que, sen embargo, “conserva esa tranquilidade característica do turismo slow, tan codiciada nestes tempos de pandemia”. Neste sentido, Arias instou a gozar dun turismo “sostible e sen présas, que fuxe da masificación e concede ao viaxeiro tempo e espazo para coñecer o seu enorme patrimonio natural e cultural”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...