O astaleiro Gondán, de Castropol, realizou este mércores a botadura do buque dual de Apoio e Posta en marcha de Parques Eólicos Mariños (CSOV) co que entra de cheo na carreira pola construción deste tipo de barcos nunha industria, a eólica mariña, en auxe.
Este novo buque, deseñado por Salt Ship Design, conta cunha eslora de 88,3 m e
unha manga de 19,7 m, estará preparado con tecnoloxía de cero emisións e apoiado
con fondos do goberno noruegués a través de Enova SF. Será o barco número 14
construído para unha empresa do grupo Østensjø. Cunha acomodación para 120
persoas -97 técnicos e 23 tripulantes- o buque dedicarase a dar apoio á compañía
Ocean Breeze durante a súa operación no campo eólico Bard Offshore 1 en Alemaña.
Para iso contará cos máis modernos e automatizados equipos, incluíndo un guindastre
offshore compensada 3D, unha pasarela offshore compensada cun alcance de 30 m e
un elevador integrado capacidade de 26 persoas.
Ao acto de botadura asistiu o consejor de Industria de Asturias, a Conselleira Delegada de PYMAR, o presidente de Astilleros Gondán, o presidente do Principado de Asturias, e a delegada do Goberno en Asturias, ademais do alcalde de Castropol, entre outras autoridades.
“A situación global xerada por mor da pandemia do COVID-19 supuxo un reto
para o estaleiro, que soubo afrontar con gran esforzo e grazas a unha esmerada
coordinación e posta en marcha de todas as medidas necesarias, de acordo coa
normativa vixente2, apuntan desde a empresa.
