A Xunta volve cargar contra o Goberno central por non resolver a situación de Alcoa

Di que ten que "atopar unha solución, participar de forma activa no proceso de venda".

Francisco Conde. CARLOS CRESPO/XUNTA DE GALICIA

A Xunta de Galicia lamentou este martes a “urxencia improvisada” que manifesta o Goberno de España ao instar a Alcoa a venda “a un terceiro” e volveu a reclamar ao Executivo de Pedro Sánchez “que asuma o seu compromiso e cumpra a súa palabra”.

En declaracións aos medios antes de participar nun acto organizado polo Círculo de Empresarios de Galicia, en Vigo, o vicepresidente e conselleiro de Economía, Empresa e Innovación, Francisco Conde, lembrou que o “compromiso” do Goberno de España con respecto á planta de San Cibrao “é claramente atopar unha solución, participar de forma activa no proceso de venda”.

Non entendemos esta urxencia improvisada, o que necesitamos é unha solución, porque un Goberno serio e responsable ten que cumprir a súa palabra e os seus compromisos, e liderar un proceso que, lamentablemente, non está a dar a solución que todos estamos a buscar”, sentenciou Conde.

RESPOSTAR

Please enter your comment!
Please enter your name here